Política de cookies

Esta web case non usa cookies

Non usamos cookies de publicidade, nin de analítica, nin de seguimento. Non hai ningún rastrexador de terceiros e non compartimos o teu comportamento con ninguén. Por iso non che aparece ningún aviso pedíndoche permiso ao entrar.

A única cookie propia

Nome	Para que serve	Duración
nsp_sesion	Manter iniciada a sesión das persoas que administran a web. Só se crea ao entrar no panel. Se ti só visitas a web, nunca se crea.	30 días

É unha cookie técnica necesaria para que funcione o acceso ao panel, así que non require consentimento previo.

Tipografías

As tipografías da web (Oswald e Roboto) están aloxadas no noso propio servidor. Non se fai ningunha chamada a servidores de Google, así que a túa IP non se comparte con ninguén ao cargar a páxina.

Vídeos das edicións

Nas galerías hai vídeos aloxados en YouTube. Iso é o único contido desta web que vén de fóra.

Para que non se lle dea información a Google sen o teu permiso, non se carga nada de YouTube ata que ti o aceptes. Nin sequera as imaxes de portada dos vídeos, porque só con pedilas o teu enderezo IP xa chegaría aos seus servidores.

A primeira vez que entras nunha páxina con vídeos sae un aviso con dúas opcións, as dúas igual de accesibles:

• Só o esencial. Non se contacta con YouTube. A web funciona igual e os vídeos quedan cun aviso no seu sitio, dende onde podes cargalos un a un se cambias de idea.
• Aceptar os vídeos. Cárganse as portadas e podes ver os vídeos dentro da páxina. A partir dese momento Google recibe o teu enderezo IP e pode poñer as súas cookies, segundo a súa propia política de privacidade.

A túa escolla gárdase no teu propio navegador, non nunha cookie, e non sae de aí. Podes cambiala cando queiras dende Cambiar a miña escolla, no pé de calquera páxina.

Como borrar todo isto

Podes borrar as cookies e os datos gardados dende a configuración do teu navegador, no apartado de privacidade ou datos de navegación. Ao facelo volveríase preguntar polos vídeos na seguinte visita.